Ապրիլի 20-ին Ադրբեջանի պաշտպանության նախարար Զաքիր Հասանովը ցամաքային զորքերի շտաբում պաշտոնական խորհրդակցություն է հրավիրել։
Այս մասին հայտնել են ադրբեջանական լրատվամիջոցները։
Քննարկված հարցերի թվում է եղել նաև Հայաստանի և Ադրբեջանի միջև սահմանազատման և սահմանագծման գործընթացը։
Հասանովը հստակ հանձնարարականներ է տվել պատասխանատուներին՝ Ադբեջանի և Հայաստանի Հանրապետության պետական սահմանի սահմանազատման գործընթացն արդյունավետորեն իրականացնելու և անվտանգության ապահովման նպատակով պետական այլ կառույցների հետ համագործակցություն ձևավորելու վերաբերյալ։
Պաշտպանության նախարարը նաև հանձնարարել է անհրաժեշտ տեխնիկական աջակցություն ցուցաբերել հեռացող ռուսական խաղաղապահ զորախմբի անձնակազմին։