Ապրիլի 19-ի առավոտյան ABC-ն, վկայակոչելով ամերիկացի պաշտոնյային, հայտնել է, որ Իսրայելը հրթիռային հարձակում է իրականացրել Իրանում գտնվող օբյեկտի վրա։ Որոշ ժամանակ անց Fars գործակալությունը հայտնել է, որ պայթյուններ են տեղի ունեցել Իրանի Սպահան նահանգում։
Ինչ է հայտնի կատարվածի մասին
Իսրայելը հրթիռային հարված է հասցրել Իրանի օբյեկտներից մեկին. ABC-ի աղբյուրը չի հստակեցրել, թե արդյո՞ք հրեական պետության թիրախները եղել են Սիրիայի և Իրաքի թիրախները։
Fars լրատվական գործակալությունը հաղորդում է երեք պայթյունի մասին, որոնք տեղի են ունեցել հյուսիսարևմտյան Սպահան նահանգի ռազմաբազայի մոտ։
Իրանի մի քանի միջուկային օբյեկտներ կան, որոնք գտնվում են Սպահան նահանգում, սակայն, ինչպես հաղորդում է Tasnim գործակալությունը՝ հղում անելով աղբյուրներին, միջուկային ենթակառուցվածքների օբյեկտներում միջադեպեր չեն գրանցվել։
Այլ վայրերում նույնպես ավերածություններ չեն եղել, գրում է IRNA գործակալությունը։
CNN-ը, վկայակոչելով ամերիկացի պաշտոնյային, հայտնել է, որ Իսրայելը չի հարձակվի Իրանի միջուկային օբյեկտների վրա։
Իրանի օդային տարածքում առնվազն ութ չվերթ շեղվել է իր նախնական գծից հնարավոր հարվածի մասին լուրերի ֆոնին, Իրանը դադարեցրել է թռիչքները որոշ քաղաքների վրայով:
IRNA լրատվական գործակալությունը հաղորդել է Իրանի մի քանի նահանգներում հակաօդային պաշտպանության ուժերի աշխատանքի մասին: Այն ավելի ուշ վկայակոչել է Իսլամական Հանրապետության ռազմական հրամանատարության աղբյուրը, ով ասել է, որ անօդաչու թռչող սարքերը թռչում են ցածր բարձրության վրա և որսվում են ոչ թե հակաօդային պաշտպանության, այլ հակաօդային զենքերից։
Թեհրանի օդանավակայանում մինչև ՀՀ ժամանակով ժամը 11։00-ն չեղարկվել են բոլոր միջազգային չվերթները։
Ինչ էին ավելի վաղ տեղեկացնում լրատվամիջոցները
Ապրիլի 18-ին Իսրայելը տեղեկացրել է ԱՄՆ-ին առաջիկա 24-48 ժամվա ընթացքում Իրանին հարվածելու մտադրության մասին, հաղորդել է Bloomberg-ը։ Axios պորտալն էլ, հղում անելով ԱՄՆ վարչակազմի բարձրաստիճան պաշտոնյային, ավելացրել է, որ ԱՄՆ-ին չի զարմացրել հարվածի մասին տեղեկությունը։
Fox News-ը, հղում անելով իր աղբյուրին, նշել է, որ հրեական պետության դեմ «սահմանափակ» հարվածը հասցվել է ի պատասխան ապրիլի 13-ին Իրանի հարձակման։
Tasnim լրատվական գործակալությունը, հղում անելով աղբյուրներին, հայտնել է, որ Սպահան նահանգի միջուկային օբյեկտները լիովին անվտանգ են։
ԱՄՆ-ը չի մասնակցել Իրանի վրա Իսրայելի հարձակմանը, սակայն զգուշացվել է դրա մասին, հաղորդում է NBC-ն։
CNN-ը, վկայակոչելով ամերիկացի պաշտոնյային, հայտնել է, որ ԱՄՆ-ը չի աջակցել հրեական պետության պատասխան հարձակմանը։
Ըստ Tasnim-ի՝ Իրանի տարածքի վրա հրթիռային հարձակումներ չեն գրանցվել։
Իրանական հեռուստատեսությունը հայտնել է, որ երեք անօդաչու թռչող սարք է խոցվել հակաօդային պաշտպանության ուժերի կողմից Սպահանի երկնքում:
Tasnim-ը, վկայակոչելով ռազմական աղբյուրները, հայտնում է, որ Իրանի հյուսիս-արևմուտքում գտնվող Թավրիզ նահանգում նավթային օբյեկտները չեն տուժել։
Միջազգային պաշտոնական արձագանքը
Պենտագոնը չի մեկնաբանել հարվածի մասին տեղեկությունները։
Իսրայելում ԱՄՆ դեսպանատունը գործողության մասին հաղորդումներից հետո սահմանափակել է անձնակազմի տեղաշարժը։
Այլ արձագանքներ առայժմ չկան:
Իսրայելի պաշտոնյաներն ավելի վաղ նախազգուշացրել էին, որ կարող են հակահարված տալ այն բանից հետո, երբ Իրանը անցած շաբաթավերջին հարյուրավոր հրթիռներ և անօդաչու թռչող սարքեր արձակեց Իսրայելի քաղաքների ուղղությամբ: Գրեթե բոլորայդ հրթիռները որսացել էին հակաօդային պաշտպանության համակարգերը:
ԱՄՆ-ը հասկացրել է, որ չի միանալու Իրանին պատասխան հարված տալու որոշմանը, սակայն հինգշաբթի օրը պատժամիջոցներ է սահմանել իրանական անօդաչու թռչող սարքերի արտադրության մեջ ներգրավված մարդկանց և կազմակերպությունների նկատմամբ՝ ակնկալելով զսպել էսկալացիան:
Իրանի զինված ուժերի էլիտար ստորաբաժանումը՝ Իսլամական հեղափոխության պահապանների կորպուսը, ապրիլի 14-ի գիշերը հարվածներ էր հասցրել Իսրայելի տարածքին՝ ի պատասխան ամսվա սկզբին Սիրիայում Իրանի հյուպատոսության վրա իսրայելական ինքնաթիռների հարձակման։
Հարձակմանը, ըստ տարբեր աղբյուրների, ներգրավվել են մի քանի հարյուր հրթիռներ և անօդաչու թռչող սարքեր, այդ թվում՝ «Շահեդ կամիկաձե» անօդաչու թռչող սարքեր, «Ֆաթթահ» և «Ֆաթահ-2» հիպերձայնային հրթիռներ: Իրանի պետական Press TV հեռուստաալիքը հայտնել է, որ բոլոր հիպերձայնային հրթիռները հասել են իրենց թիրախներին։
Իսրայելական բանակի տվյալներով՝ Իրանը ընդհանուր առմամբ արձակել է ավելի քան 300 զինամթերք և անօդաչու թռչող սարք, այդ թվում՝ մոտ 170 անօդաչու թռչող սարք, ավելի քան 30 թևավոր հրթիռ և ավելի քան 120 բալիստիկ հրթիռ։ Միևնույն ժամանակ Իսրայելը հայտարարում է, որ միայն «մի քանի հրթիռներ» է հասել երկիր և պատճառել «փոքր վնաս»։
Իրանի զինված ուժերի գլխավոր շտաբի պետ Մոհամմադ Բաղերին ասել է, որ Թեհրանն ավարտել է «Խոստման կատարում» գործողությունը և չի ծրագրում այն շարունակել, սակայն եթե Իսրայելը որևէ միջոց ձեռնարկի, իրանական հաջորդ գործողությունն ավելի մեծ կլինի, քան նախորդը։
Իսրայելի նախարար Բենի Հանցն ասել է, որ երկիրը մտադիր է ստեղծել տարածաշրջանային կոալիցիա՝ ընդդեմ իրանական սպառնալիքի և համապատասխան ժամանակին և պատշաճ կերպով արձագանքել հարձակմանը։ Սպասվում է, որ Իսրայելի կառավարությունը մոտ ապագայում կորոշի հետագա գործողությունները։
Ապրիլի 16-ին Իսրայելում հայտարարել էին, թե մտադիր են «ցավոտ ազդանշան» ուղարկել Իրանին:
