Դերասանուհի, հաղորդավարուհի Նազենի Հովհաննիսյանը Շուշիում արված տեսանյութ է հրապարակել եւ մեկնաբանություններում գրել է.
«Հաղթանակը հիշողությունն է: Քանի մենք հիշում ենք Հայրենական մեծ պատերազմից մինչեւ Արցախյան ազատագրական շարժմանը իր կյանքն ու կռիվը տված յուրաքանչյուր մարդու` ուրեմն դեռ կա ՀԱՂԹԱՆԱԿԸ: Պատմությունը Հիշողությունն է: Քանի դեռ մենք իրար պատմելով, գրելով, մեծարելով ու հաղթանակից հետո մեր կյանքն ու հայրենիքը զարգացնելով վերապատմում ենք Պատմությունն ու հիշում, ուրեմն կա Հաղթանակը:
Քանի դեռ հերոսական անցյալի էջերից կարողանում ենք թոթափել կեղտն ու մաղձը, ու թափ տալիս մոռացության փոշին` ուրեմն կանք ու կա մեր հաղթանակը: Արցախի ազատագրական շարժումը հայի միասնական կամքի ու արժանապատիվ կյանքի ամենամեծ ու կարեւոր խորհուրդն է ինձ համար:
Մենք պարտք են մեր հերոսներին, քանի դեռ ըստ արժանվույն չենք զարգացնում մեր հայրենքը, քանի դեռ չենք պաշտպանում լիարժեք արտաքին ու ներքին թշնամուց, ու քանի դեռ լիարժեք չենք ճանաչում մեզ, չենք իմանում մեր պատմությունն ու չենք գնահատում մեր ունեցաքը: Այդքանը:
Բզկտում ենք ինքներս մեզ` գոնե վերջապես միավորվենք ապրելու եւ զարգանալու շուրջ: Ծվեն- ծվեն եղած հոգիներով ուզում ենք առողջ հայրենիք կերտել: Դժվար ստացվի: Պատառիկներով ոչ պատմություն է լինում, ոչ զարգացում: Պատառիկներով չեն հիշում ոչ՛հերոսներին, ոչ էլ հերոսական անցյալը: Պետք է հիշել ու ապրել ԱՄԲՈՂՋԱԿԱՆ: Մայիսի 9-ը ինձ համար ԱՄԲՈՂՋԱԿԱՆ ՀԱՂԹԱՆԱԿԻ ու վերագնահատման օր է: Թող խաղաղ մնան հերոսները, որոնք կյանքով են վճարել մեր` ապրելու իրավունքը: Թող խաղաղ լինեն ու ոգով ամուր մնան հերոսները, որոնք նաև ապրելով են կերտում մեր այսօրվա ապրելու իրավունքը:
Շնորհավոր Մեծ տոնը: Շնորհավոր Եռատոնդ` Հայրենական մեծ պատերազմում հաղթանակը, Շուշիի ազատագրման և Արցախի պաշտպանության բանակի ստեղծման տարեդարձը, Հայաստան- Արցախ- Սփյուռք անքակտելի եռամիասնության եռատոնը շնորհավոր»:
