Հայաստանի և Ղազախստանի միջև տրանսպորտային լոգիստիկ կապերի ոլորում նոր հնարավորությունների բացահայտումն առանցքային է, Երևանում Ղազախստանի ԱԳ նախարարի հետ հանդիպումից հետո հայտարարեց Հայաստանի արտգործնախարար Արարատ Միրզոյանը։
«Ներկայացրել եմ այդ տրանսպորտային նոր հնարավորությունների զարգացման մեր տեսլականը։ Խոսել ենք «Խաղաղության խաչմերուկի» մասին. լոգիստիկ հնարավորություններ՝ հիմնված բոլոր երկրների ինքնիշխանության և իրավազորության հարգման վրա, հիմնված հավասարության և փոխադարձության սկզբունքների վրա», — ասաց Միրզոյանը։
