«Դեռ տարիներ առաջ մենք ձեզ հայտնեցինք, որ քաղաքացին տուգանքի մատերիալ չի ու տարեցտարի մեր քայլերով եկանք ապացուցելու, որ այո, քաղաքացին մեզ համար տուգանքի մատերիալ չէ»:
Այս մասին Ազգային ժողովում ասաց «Քաղաքացիական պայմանագիր» խմբակցության պատգամավոր Վահագն Ալեքսանյանը:
«Ու հիմա էլ կարելի է ասել գրեթե կիսով չափ զեղչի հնարավորություն տալով տուգանքներին մենք փաստում ենք, որ այո քաղաքացին տուգանքի մատերիալ չէ, բայց դրան զուգահեռ ներդնելով բալային համակարգը կարևորում ենք նաև ճանապարհային երթևեկության անվտանգությունը: Այսինքն գերնպատակը, ոչ թե ընդամենը ֆիզկալ եկամուտ ստանալն է, երբ որ մարդը խախտում է անում, այլ նպատակն այն է, որ այդ խախտումը չանի ու դրանով չվտանգի իր կյանքը, ճանապարհային երթևեկության մյուս մասնակիցների կյանքը»,- նշեց Ալեքսանյանը:
Կարևորելով երկրորդ գծերում կայանելու առաջարկության ընդունումը Ալեքսանյանն ասաց.
«Մեր սոցիալական ամենաակտիվ խավերից մեկը տաքսու վարորդներն են ու նրանք երկրորդ գծում ընդամենը 2-3 րոպե կանգնելու հետևանքով, այն պատճառով որ պատվեր տվողը ուշ է իջնում շենքից, զրկվում էին վարորդական իրավունքից ու ապրուստի միջոցից»: