«Հետագայում ամբողջ Կոնդ թաղամասը գնալու է օտարման նոր քաղաքաշինական ծրագիր իրականացնելու համար»,- այսօր Երևանի քաղաքապետարանի գործակարգավարական խորհրդակցությանը հայտնեց Երևանի քաղաքապետ Տիգրան Ավինյանը՝ արձագանքելով Կոնդ թաղամասի բնակիչների սեփականության վկայականների գործընթացի տրամադրման մասին զեկույցին:
Քաղաքապետը հավելեց, որ նախաձեռնության տրամաբանությունն այն էր, որ կոնդեցիները կարողանան իրենց իրավունքները հնարավորինս առավելագույնը պաշտպանել՝ հաշվի առնելով, որ տասնամյակներ շարունակ իրենց փաստացի սեփականության հատվածներ չէր հանդիսացել իրենց սեփականությունը:
