Ինչպես հայտնել ենք, Էկոնոմիկային նախկին նախարար Վահան Քերոբյանին դատարանը երկու ամսով տնային կալանք է տվել:
Լրագրողների հետ զրույցում անդրադառնալով այս որոշմանը՝ Քերոբյանն ասաց, որ հնարավոր է՝ բողոքարկեն այն:
Վերջինս հրաժարվեց պատասխանել այլ հարցերի:
Ավելի վաղ հայտնել էինք, որ էկոնոմիկայի նախկին նախարարի նկատմամբ քրեական հետապնդում է հարուցվել էկոնոմիկայի նախարարության կարիքների համար ծառայության ձեռքբերման մրցույթի ընթացքում առերևույթ չարաշահումների գործով:
Քերոբյանը չի ընդունում իրեն առաջադրած մեղադրանքը:
Նրա փաստաբանը մանրամասնել է, որ Քերոբյանին մեղադրանք է առաջադրվել խմբի կազմում շահադիտական նկատառումներով նախնական համաձայնությամբ պաշտոնեական լիազորությունները չարաշահելու, անցնելու կամ ազդեցություն կիրառելու հոդվածով:
