Երևանի ավագանու «Մայր Հայաստան» խմբակցության անդամ Նարինե Հայրապետյանի լիազորությունները վաղաժամկետ դադարեցվեցին։
Ավագանու «Քաղաքացիական պայմանագիր» խմբակցության անդամ Մարատ Թոխյանը ներկայացրեց նախագիծը՝ նշելով, որ 2023 թ. տեղի է ունեցել ավագանու 4 նիստ, անցկացվել է 42 քվերակություն, Հայրապետյանը մասնակցել է ընդամենը 10 քվերակության, այսինքն բացակայել է քվերակությունների կեսից ավելիից։
Հայրապետյանի բացակայությունները հարգելի համարվելու վերաբերյալ տվյալներ Երևանի քաղաքապետարան չեն ներկայացվել և սա հիմք է հանդիսանում, որպեսզի ավագանու անդամի լիազորությունները վաղաժամ դադարեցվեն:
Ավագանին 34 կողմ, 0 դեմ, 0 ձեռնպահ ձայների հարաբերակցությամբ ընդունեց Նարինե Հայրապետյանի լիազորությունները վաղաժամկետ դադարեցնելու որոշումը։
