«Ցավում եմ, որ վերջին օրերին Ադրբեջանում որոշ լրատվամիջոցներ բացարձակապես անհիմն մեղադրանքներ են հրապարակել Հայաստանում ԵՄ առաքելության հասցեին»:
Այս մասին «X»-ի իր միկրոբլոգում գրել է Ադրբեջանում Եվրամիության դեսպան Պետեր Միխալկոն:
«Ես ընդգծում եմ, որ Հայաստանում Եվրամիության առաքելությունը քաղաքացիական, անզեն առաքելություն է, և նրա մանդատը դիտարկելն է: Առաքելության ներկայությունն ուղղված է կայունության խթանմանը և վստահության ամրապնդմանը։ ԵՄ-ն շարունակելու է իր ջանքերը՝ աջակցելու Ադրբեջանի և Հայաստանի միջև խաղաղ կարգավորմանը»,- նշել է դիվանագետը:
