«Ցանկացած հարց, որ գալիս է հրապարակ, միանգամից սկսում եք՝ Թուրքիան, Ադրբեջանը, գործակալները, սա, նա, եթե ունեք փաստարկներ, հանարավոր չի այդ փաստարկներն առանց գեղջկական սենտիմենտալիզմի նոպաների անել, եթե ունեք փաստարկ, ամենալավը փաստարկների լեզվով խոսելն է»,- ԱԺ իր ելույթում «Հայոց պատմությունը» «Հայաստանի պատմություն» վերանվանելու նախագծի քննարկմանը դիմելով ընդդիմադիրներին՝ ասաց ՔՊ խմբակցության ղեկավար Հայկ Կոնջորյանը:
Կոնջորյանը շարունակելով՝ նշեց. «Ասում եք՝ մենք գողանում ենք պատմությունը, մենք հակադրում ենք ժողովրդին պետությանը և այլն, այդ օրակարգը բերելով և ակտիվացնելով, դուք եք այդ հակադրությունը ստեղծում: Ընդհանրապես ոնց կարելի է նման թեմա քննարկել, Հայաստանի և հայոց պատմության համատեքստում ասել, որ դուք ժողովրդին հակադրում եք պետությանը: Մեր ժողովրդի պատմության մի զգալի մասը պետականություն ունենալու համար մղված պատմություն է, այսինքն, եթե մենք նայում ենք մեր ժողովրդի պատմության համատեքստից, առաջնահերթությունը մշտապես եղել է դա, ժողովուրդ, որն անընդհատ ձգտում է ունենալ պետություն, հիմա ունենք պետություն, ասում ենք, որ պատմության վերավերյալ մեր դիտանկյունը պետք է լինի պետականակենտրոն, որպեսզի մենք չունենանք առիթներ հետագայում նորից պայքարել պետություն ունենալու համար:
Դուք եկել եք այստեղ, անհասականալի, անհոդաբաշխ մեղադրանքներ եք հնչեցնում, որ գողանում ենք ձեզանից պատմությունը, քավ լիցի, ձեզ լինի, ինչ է նշանակում գողանում ենք պատմությունը, այսինքն՝ դուք մտածում եք, որ պատմության վերաբերյալ պետք է ընդհանրապես ոչ մի տիպի ինքնահայեցման գործընթաց չլինի, այսինքն՝ ձեզ համար պատմությունը հանգուցյալ է, որի մասին պետք է խոսել կամ լավը, կամ ոչինչ, սա՞ է ձեր ասածը: Կարող է պարզվի նաև, որ դուք չեք ուզում Դաշնակցության պատմության մասին նաև խոսվի, գուցե այնտեղ կան բաներ, որի մասին դուք անհանգստացած եք: Ձեր ներսի գրաքննադատն անընդհատ գլուխ է բարձրացնում, խնդրում եմ լռեցրեք ձեր ներսի գրաքննադատին»:
