Թուրքիան շատ ավելի կառուցողական դեր կարող է խաղալ հայ-ադրբեջանական հարաբերությունների կարգավորման գործընթացում:
Այս մասին Հանրային հեռուստաընկերության եթերում ասաց ՀՀ ԱԳ նախարարի տեղակալ Վահան Կոստանյանը:
«Հայաստան-Թուրքիա կարգավորումների գործընթացում արդեն իսկ ձեռք է բերված պայմանավորվածությունների կյանքի կոչումը, մասնավրապես 3-րդ երկրների քաղաքացիների և դիվանագիտական անձնագիր կրող անձանց համար սահմանի բացումը դրական նշանակություն կունենա թե Հայաստան-Թուրքիա հարաբերություններում, և թե իր ազդեցությունը կունենա Հայաստան-Ադրբեջան կարգավորման գործընթացի վրա»,- ասաց ԱԳ նախարարի տեղակալը:
Սահմանը պետք է բացվեր, բայց չբացվեց՝ դիտարկմանն ի պատասխան, Վահան Կոստանյանն ասաց՝ սպասում են թուրքական կողմի արձագանքին՝ պայմանավորածությունը կյանքի կոչելու համար:
«Գիտեք, որ հայկական կողմում բոլոր ենթակառուցվածքները արդեն իսկ պատրաստ են»,- ասաց Կոստանյանը: