Այսօր՝ հունվարի 17-ին Հայաստանում Եվրոպական միության դիտորդական առաքելությունն իր 1500-րդ պարեկությունն է իրականացրել Ադրբեջանի հետ սահմանին մոտ գտնվող շրջաններում։
Այս մասին տեղեկանում ենք ՀՀ-ում ԵՄ դիտորդական առաքելության «Х»-ի միկրոբլոգում արված գրառումից։
«Առաքելության առջև դրված է տեղում իրավիճակը վերահսկելու և դրա մասին զեկուցելու առաջադրանք։ ՀՀ-ում ԵՄ դիտորդական առաքելությունը պարեկություն է իրականացնում 6 օպերատիվ բազայից, որոնք տեղակայված են Կապանում, Գորիսում, Ջերմուկում, Եղեգնաձորում, Մարտունիում ու Իջևանում», — նշված է գրառման մեջ։
