Բաքվում կահույքի արտադրամասի պայթյունի և բռնկված հրդեհի հետևանքով զոհերի թիվը հասել է 9-ի:
Այս մասին հայտնում է «Ինտերֆաքս»-ը՝ վկայակոչելով Ադրբեջանի արտակարգ իրավիճակների նախարարության տարածած հայտարարությունը:
«Հայտնաբերվել է երկու մարդու մարմին: Այսպիսով, արտադրամասում պայթյունի հետևանքով զոհվածների ընդհանուր թիվը հասել է 9 -ի»,- ասված է գերատեսչության տարածած հաղորդագրության մեջ:
Հիշեցնենք՝ Բաքվում՝ կահույքի արտադրամասում, հունվարի 15-ի ցերեկը պայթյուն էր տեղի ունեցել, որից հետո հրդեհ էր բռնկվել: