«Մենք ի՞նչ ենք ասում, վարչապետն ի՞նչ նշեց «Քաղաքացիական պայամանգիր» կուսակցության վերջին նիստում. որ կոնկրետ Ալիևի կոնկրետ հայտարարություններ մեզ համար անընդունելի են»:
Այս մասին այսօր ԱԺ-ում լրագրողների հետ զրույցում ասաց «Քաղաքացիական պայմանագիր» խմբակցության պատգամավոր Գևորգ Պապոյանը՝ անդրադառնալով հարցին, թե ինչի շուրջ են բանակցում ադրբեջանական կողմի ռազմատենչ հռետորաբանության պարագայում:
«Արդյո՞ք պետք է բանակցել այն պարագայում, երբ Ալիևը ինչ-որ հայտարարություններ է անում, որոնք չեն նպաստում խաղաղությանը, ընդհակառակը՝ նպաստում են տարածաշրջանում լարվածության աճին և անթույլատրելի են մեզ համար. իհարկե այո, որովհետև միշտ բանակցության հակառակը կողմը, կամ բանակցությունից դուրս գալը նույնն է, թե ասել՝ մենք գնում ենք պատերազմի ճանապարհով: Այդպես կարծում եմ ճիշտ չէ, և մենք այդպես չենք շարժվում առաջ»,- ասաց Պապոյանը
Նա նաև նկատեց՝ խնդիրն այլ տեղ է, որ օրինակ, պատրաստվել խաղաղության դա չի նշանակում զենքերը հանձնել, կամ ընդհանրապե հանձնվել. «Խաղաղության պատրաստվելը կարող է նաև ենթադրել գորոծողություն երբ օրինակ քո մարտունակությունն ես բարձրացնում, որովհետև մեր բանակը նպատակ չունի այլ երկրից տարածքներ գրավելու, մեր բանակը ունի մեկ նպատակ՝ ՀՀ տարածքները պահել անձեռնմխելի և դա իր պարտականությունն է: Հետևաբար երբ իրենք խոսում են 8 գյուղերի, մենք խոսում ենք 32 գյուղերի մասին, բայց մենք չենք ուզում, որ լինի և՛ 8 գյուղը, և՛32 գյուղը, մենք ուզում ենք, որ Ալամաթիի հռչակագրով, երբ Հայաստանը և Ադրբեջանը կոնկրետ քարտեզով անկախացել են Սովետական միությունից, դրվեն այդ քարտեզները, այնուհետև այդ քարտեզների կոնկրետ կորդինատները հայտնաբերվեն և տեղում գնա հանաձնաժողովը ասի օրինակ, ՀՀ-ի և Ադրբեջանի սահմանաը այսինչ գյուղում անցնում է ենթադրենք այստեղով»:
