Իսպանացի երգիչ և երգահան Խուլիո Իգլեսիասը ձերբակալվել է Դոմինիկյան Հանրապետության օդանավակայանում՝ ճամպրուկների պարունակությունը ստուգելու ժամանակ։ Ճամպրուկներում արգելված ապրանքներ են եղել:
Այս մասին գրել է ABC թերթը։
Ըստ աղբյուրի, Պունտա Կանա օդանավակայանում 80-ամյա երգիչը ձերբակալվել է Բահամյան կղզիներից վերադառնալիս։
Ուղեբեռում ավելի քան 40 կգ մթերք է հայտնաբերվել, ինչի ներմուծումը Դոմինիկյան Հանրապետություն արգելված է։
Երգիչն ու նրա հետ ճամփորդող անձինք մի քանի ժամ պահվել են օդանավակայանում, այնուհետ ազատ են արձակվել։