«30 ավտոբուսներից 28-ը, որը պլանավորված էր ներմուծել նախորդ պայմանագրի շրջանականերում արդեն Երևանում են»:
Այս մասին այսօր Երևանի քաղաքապետարանի գործակարգավարական նիստի ժամանակ հայտնեց Երևանի քաղաքապետարանի տրանսպորտի վարչության պետ Վազգեն Հարությունյանը՝ հավելելով, որ մյուս 2-ն այս շաբաթ նույնպես կտեղափոխվեն Երևան և մատակարարն իր պարտավորությունն ամբողջությամբ կատարած կլինի:
Քաղաքապետ Տիգրան Ավինյանը հետաքրքրվեց՝ երբ գիծ կմտնեն նոր ավտոբուսները:
Հարությունյանը արձագանքեց. «Սպասում եմ 2 ավտոբուսներն էլ գան, մաքսազերծման աշխատանքներ կատարենք: Ենթադրում եմ 15-20 օրից կսկսենք սպասարկել»:
Տիգրան Ավինյանը հիշեցրեց, որ երթուղիներից մեկը պետք է անցնի Դավիթ Բեկով: