Պենտագոնի ղեկավար Լլոյդ Օսթինը, ում մոտ շագանակագեղձի քաղցկեղ է ախտորոշվել, շարունակում է մնալ հիվանդանոցում։
Այս մասին հայտնել է ԱՄՆ պաշտպանության նախարարության խոսնակ Պատրիկ Ռայդերը։
«Նախարարը լավ վիճակում է գտնվում, նա կապի մեջ է Պենտագոնի բարձրաստիճան պաշտոնյաների հետ, ունի անվտանգ հաղորդակցությունների լիարժեք հասանելիություն և շարունակում է վերահսկել գերատեսչության ամենօրյա գործունեությունը ամբողջ աշխարհում», — նշել է նա։
Նրա խոսքով՝ Պենտագոնը դեռևս տվյալներ չունի Օսթինի հիվանդանոցից դուրս գրվելու հնարավոր ժամկետների մասին․ «Այս պահին մենք նախարարի դուրսգրման կոնկրետ ամսաթիվ չունենք, բայց կշարունակենք ամեն օր թարմացնել տեղեկատվությունը»։