Ֆրանսիայի Հանրապետության նախագահ Էմանուել Մակրոնը X-ի իր էջում արված գրառմամբ ողջունել է Ֆրանսիայի նորանշանակ վարչապետին։
«Թանկագին Գաբրիել Աթալ,
Ես գիտեմ, որ կարող եմ ապավինել ձեր էներգիային և ձեր հանձնառությանը՝ իրականացնելու վերազինման և վերականգնման այն ծրագիրը, որի մասին հայտարարել եմ: 2017 թվականի ոգուն հավատարիմ՝ գերազանցություն և հանդգնություն՝ ազգին և ֆրանսիացիներին ծառայելու»:
Հիշեցնենք, որ Ֆրանսիայի նախագահ Էմանուել Մակրոնը Ֆրանսիայի վարչապետ է նշանակել 34-ամյա Գաբրիել Աթալին:
Հունվարի 8-ին պետության ղեկավարը պաշտոնանկ է արել Էլիզաբեթ Բորնին, որը վարչապետի պաշտոնը զբաղեցնում էր 2022 թվականի մայիսից։
34-ամյա Աթալը մինչ այդ կրթության նախարարն էր։
Նա Ֆրանսիայի պատմության մեջ կառավարության ամենաերիտասարդ ղեկավարն է: