Այսօր ժամը 03:35-ին հրդեհ է բռնկվել Բաքվի Հանրապետական պերինատալ կենտրոնում։
Հրդեհը մարելու համար ներգրավվել են 20 միավոր տեխնիկա և ԱԻՆ-ի ուժերի 90 մարդ։
Կենտրոնում գտնվող գրեթե 100 մարդ, այդ թվում՝ նորածիններ և հղի կանայք, տարհանվել են շենքից։
Տարածքը շրջափակել են ոստիկանները: Տարհանման գործընթացը շարունակվում է։
Հրդեհից հետո նորածնային վերակենդանացման բաժանմունքում հայտնաբերվել է չորս նորածնի մարմին։ Այս մասին ասվում է Գլխավոր դատախազության, Արտակարգ իրավիճակների նախարարության համատեղ հայտարարության մեջ։
Նաև շենքում գտնվող 3 հոգի թունավորվել են, որոնք հոսպիտալացվել են Կլինիկական բժշկական կենտրոն։
Փաստի առթիվ Գլխավոր դատախազության քննչական բաժնում հարուցվել է քրեական գործ։
