Երևանի քաղաքապետարանի գործակարգավորական նիստի ընթացքում անդրադարձ կատարվեց հունվարի 2-ին «Եռաբլուր» զինվորական պանթեոնից Մալաթիայի փողոց տանող հատվածում այրված տրոլեյբուսի դեպքին։
Նիստի ընթացքում քաղաքապետ Տիգրան Ավինյանին զեկուցվեց՝ տրոլեյբուսում առկա է եղել կրակմարիչ, սակայն վարորդը չի հասցրել մարել հրդեհը:
Ի պատասխան՝ վերջինս նշեց, որ անվտանգային հարցերը պետք է բերվի ստանդարտի և հանձնարարական տվեց փոխքաղաքապետ Արմեն Փամբուխչյանին։
«Բոլոր տեսակի տրանսպորտներում ունենանք կրակմարիչներ, ֆիքսենք, որ դրանք աշխատում են, իմանանք, որ վարորդները գիտեն դրանցից օգտվելու ձևը»,- հանձնարարեց քաղաքապետը։