Թուրքական մեդիայում սկսել են շրջանառվել պնդումներ կապված առաջիկայում Ստամբուլի քաղաքապետի ընտրություններում իշխող «Արդարություն և զարգացում» կուսակցության (ԱԶԿ-AKP) թեկնածուի հետ։
Մասնավորապես նշվում է, որ կուսակցության կուլիսային խոսակցությունների համաձայն՝ թեկնածուն լինելու է նախկին շրջակա միջավայրի և քաղաքաշինության նախարար Մուրադ Քուրումը։
Թեկնածուի մասին պաշտոնական հայտարարությունը տարածվելու է հունվարի 7-ին։
Նշենք, որ ԱԶԿ կուսակցության գլխավոր հակառակորդ է համարվում ներկայիս քաղաքապետ Էքրեմ Իմամօղլուն, ով անդամակցում է Թուրքիայում գլխավոր ընդդիմադիր ուժը համարվող «Ժողովրդահանրապետական» կուսակցությանը (ԺՀԿ-CHP)։
Թուրքիայում հերթական տեղական ինքնակառավարման մարմինների (ՏԻՄ) ընտրությունները նախատեսված են 2024-ի մարտի 31-ին։
