Բելառուսի նախագահ Ալեքսանդր Լուկաշենկոն ստորագրել է Սահմանադրության փոփոխությունները, որոնք կարգավորում են հանրապետության նախկին նախագահի և նրա ընտանիքի իրավունքները:
Փոփոխությունների համաձայն՝ նախկին նախագահը և նրա ընտանիքը ցմահ պահպանում են անձեռնմխելիությունը, թիկնազորը և պետական անշարժ գույքից օգտվելու իրավունքը:
Պաշտոնաթող նախագահն ու նրա ընտանիքի անդամները կարող են պատասխանատվություն չկրել իշխանության ղեկին գտնվելու ընթացքում կատարված որևէ հանցագործության համար։ Անձեռնմխելի են մնում նաև ակտիվները, գույքը, նամակագրությունը:
Ավելին՝ պետության նախկին ղեկավարի մահվան դեպքում նրա հուղարկավորությունը կիրականացվի պետբյուջեի հաշվին։ Նախկին նախագահը պաշտոնաթողությունից հետո կդառնա Համաբելոռուսական Ժողովրդական ժողովի պատվիրակ և Հանրապետության խորհրդի ցմահ անդամ։
