Լիբանանի մայրաքաղաք Բեյրութի հարավային արվարձանին հասցված իսրայելական հարվածի արդյունքում սպանվել է ՀԱՄԱՍ-ի քաղբյուրոյի ղեկավարի տեղակալ Սալահ ալ Արուրին, հաղորդում է Reuters-ը։
Աղբյուրի պնդմամբ՝ նրա մեքենան պայթեցվել է իսրայելական կամիկաձե անօդաչու թռչող սարքի կողմից։
Ավելի վաղ հաղորդվել էր, որ Բեյրութի հարավային արվարձանում ՀԱՄԱՍ-ի գրասենյակի վրա հարձակումը հանգեցրել է չորս մարդու մահվան, կան նաև մի քանի վիրավորներ։
