Գերմանիայում Ամանորի գիշերը երեք մարդ մահացել է պիրոտեխնիկա օգտագործելու պատճառով, տեղեկացրել է Bild թերթը։
Պարբերականի տեղեկացմամբ՝ մահացու ելքով դեպքերը գրանցվել են Բավարիա, Ռեյնլանդ-Փֆալց եւ Սաքսոնիա դաշնային երկրամասերում։
Գերմանիայում, ընդհանուր առմամբ, ինչպես նշել են իրավապահ մարմինները, Ամանորի գիշերը անցած տարվա համեմատ անցել է համեմատաբար հանգիստ։ Միեւնույն ժամանակ, միայն Բեռլինում ձերբակալվել է մոտ 400 մարդ, տուժել է ավելի քան 50 ոստիկան։
