Ադրբեջանը լուրջ խոչընդոտներ չի տեսնում Հայաստանի հետ խաղաղության պայմանագիր կնքելու համար:
Ըստ Report-ի՝ այս մասին TRT World հեռուստաալիքին տված հարցազրույցում ասել է Ադրբեջանի նախագահի օգնական Հիքմեթ Հաջիևը։
Նրա խոսքով, Սանկտ Պետերբուրգում ԱՊՀ երկրների ղեկավարների հանդիպման շրջանակում Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի ոչ պաշտոնական զրույցը ադրբեջանական կողմը գնահատել է որպես արդյունավետ և կառուցողական փոխգործակցություն՝ նպաստելու խաղաղության օրակարգին:
«Մենք այլևս լուրջ խոչընդոտներ չենք տեսնում երկու երկրների միջև խաղաղության պայմանագրի ավարտի համար: Կոնկրետ ժամկետների մասին խոսելը մի փոքր դժվար է, քանի որ գործընթացն ավարտելու համար դեռևս անհրաժեշտ են հետագա բանակցություններ Հայաստանի և Ադրբեջանի միջև»,- ընդգծել է Հաջիևը:
