Նիկոլ Փաշինյանն այսօր՝ մայիսի 4-ին, շրջել է Արտաշատում տեղական արտադրանքի EXPO ցուցահանդեսով, ծանոթացել ներկայացված արտադրանքին:
Նա տաղավարներից մեկում սինդրիկ է համտեսել ու հարցրել, թե որտեղից են մթերում: Ի պատասխան ընկերության ներկայացուցիչն ասաց. «Իջեւանից: Անհատներն են բերում, կազմակերպիչներ էլ կա:
Քանի որ մի քանի տասնյակ կգ-ի համար մարդիկ չեն կարող գալ հասնել Արտաշատ, կազմակերպիչները նրանցից տեղում գնում են, բերում հանձնում են մեզ»:
Փաշինյանը նաեւ հետաքրքրվեց, թե արտահանման ինչ պլաններ ունեն այս տարի եւ երբ լսեց պատասխան, որ այս տարի ակնկալում են, որ արտահանումը կրկնակի կաճի, զարմացած կլորացրեց աչքերը. «Կրկնակի՞»:
տեսանյութը՝ NEWS.AM
