Ադրբեջանը հայտարարել է չեզոք երրորդ երկրի տարածքում կամ հայ-ադրբեջանական սահմանին երկու երկրների ԱԳ նախարարների մակարդակով հանդիպման պատրաստակամության մասին։
Այս մասին այսօր հայտարարել է ԱԳ նախարար Ջեյհուն Բայրամովը։
Նրա խոսքով, Ադրբեջանի և Հայաստանի միջև սահմանազատման պետական հանձնաժողովն արդեն երկու հանդիպում է անցկացրել երկու երկրների սահմանին:
«Սկզբունքորեն Հայաստանի և Ադրբեջանի արտաքին գործերի նախարարներն ու պատվիրակությունները կարող են հանդիպել պետական սահմանին։ Ինչ վերաբերում է Ադրբեջանում և Հայաստանում ժամանակի ընթացքում նման միջոցառումների անցկացման հեռանկարին, ապա ինչու ոչ, կարծում եմ, որ վաղ թե ուշ դա տեղի կունենա»,- ասել է նա։
