ՌԴ Պետդումայի պատգամավոր Կոնստանտին Զատուլինը հայտարարել է, որ իրեն հանգիստ չի տալիս Ադրբեջանում կալանավորված Լեռնային Ղարաբաղի ռազմաքաղաքական ղեկավարության նախկին ներկայացուցիչների ճակատագիրը։
Քաղաքական գործիչը բաց նամակ է հրապարակել իր ТГ-ալիքում, որում նշում է, որ անցնող տարին ծանր փորձություն էր Հայաստանի և Ռուսաստանի, երկու ժողովուրդների և պատմական կապերի համար։
«Գիտեք, որ Ռուսաստանը պայքար է մղում Ուկրաինայում և հանուն Ուկրաինայի ամբողջ Արևմուտքի հետ: Մենք մտել ենք Գինեսի գիրք. Ռուսաստանի Դաշնության դեմ 17500 անբարեխիղճ պատժամիջոցներ են սահմանվել: Հայ ժողովուրդը կորցրել է իր «ես»-ի թանկագին մասը՝ Արցախը: Ակնհայտ անարդարության հետ դժվար է, եթե չասենք՝ անհնար է համաձայնել: Ոչ միայն ձեզ համար՝ Հայաստանում, այլ նաև ինձ համար՝ Ռուսաստանում: Իմ ընկերների՝ Արկադի Ղուկասյանի, Բակո Սահակյանի և նրանց բոլոր ընկերների ճակատագիրը մեզ հանգիստ չի տալիս»,- գրել է պատգամավորը։
Նա շնորհավորել է Հայաստանին և հայ ժողովրդին գալիք Նոր տարվա կապակցությամբ և նշել, որ հավատում է վերջնական հաղթանակին: