Մի տեսակ սովորել ենք արդեն պարոն Մարությանի ուրվականի հետ խոսել:
Այս մասին Երևանի ավագանու նիստում արտահերթ ելույթի ժամանակ ասաց ավագանու «Հանրապետություն» խմբակցության ղեկավար Անի Խաչատրյանը:
Նշենք, որ այսօր առաջին անգամ նիստին մասնակցող Հայկ Մարությանն իր ելույթից հետո հեռացավ դահլիճից:
«Պարոն Մարության լռությունը պերճախոս կլիներ արտահայտությունը հենց այսօրվա մասին էր: Այո, Երևանը կորցրեց քաղաքապետ, բայց ես ուրախ եմ, որ երևանցիները նորից վերագտան իրենց սիրելի դերասանին՝ մոնո ներկայացումներում:
Եթե սկզբում ձեր խմբակցությունը սկզբում թչ թե զոռբայությամբ, այլ խնդրեր ելույթի հնարավորություն, գուցե ստանայիք: Դուք գերազանցեցիք նույիսկ 10 րոպեն:
Խոսում էիք Ամանորի ծախսերից, թե ինչ սրտով է արվում, արցախցի երեխաներին էիք բերում օրինակ: Բա դուք 2019-ին քանի՞ ներկայացում եք խաղացել հռհռալով, մարդկանց ուրախացնելով: Բա ի՞նչ սրտով էիք բեմում խաղում:
Պարոն Մարության, խնդրում եմ, Ձեր ներկայացումների սցենարներն ու դրանց համար ծափահարությունները քաղաքապետարանի դահլիճից դուրս փնտրեք: Կամ կարող եք արդեն ձեր գործընկեր դարձած կուսակցության հետ համատեղ դուք ձեզ ծափ տաք, կամ ձեր համատեղ տերերը, որն արդեն իսկ ակնհայտ է»:
