«Չեմ հասկանում՝ խմե՞լ, նոր ես եկել»:
Այս մասին Երևանի ավագանու նիստի ժամանակ ասաց Երևանի ավագանու «Հանրապետություն» խմբակցության ղեկավար Անի Խաչատրյանը՝ ընդհատելով «Մայր Հայաստան» խմբակցության անդամ Նարինե Հայրապետյանի՝ վիրավորական արտահայտություններով ելույթը:
«Խմելը դա քո պրոֆեսիան է»,- արձագանքեց Հայրապետյանը Խաչատրյանին:
Անի Խաչատրյանն էլ քաղաքապետին հորդորեց. «Անդաստիարակի ձենը կտրեք»:
Երևանի քաղաքապետ Տիգրան Ավինյանը հանդարտության կոչ արեց և ելույթ ունենալ կոռեկտության սահմաններում: Քաղաքապետը մինչև նիստի ավարտը Նարինե Հայրապետյանին զրկեց խոսքի իրավունքից: