Երևանի ավագանու նիստում «Մայր Հայաստան» խմբակցության անդամ Սամվել Հակոբյանը դիմելով քաղաքապետ Տիգրան Ավինյանին ասաց. «Պարոն Ավինյան ունեք շատ մեծ անձնակազմ, ձեր օգնականին անգամ տվել եք առանձին սենյակ: Տիգրան Ավինյանն ունի երկու գործավար, չորս օգնական, 7 խորհրդական, ի՞նչ են անաում էս մարդիկ, որ սենց շատ են ի՞նչով է դա արդարացված»
Արձագանքելով դիտարկմանը Երևանի քաղաքապետ Տիգրան Ավինյանն ասաց. «Երևանի քաղաքապետն ունի խորհրդականներ ու օգնականներ, Տիգրան Ավինյանը չունի։ Տիգրան Ավինյանը հետո տուն չի տանելու խորհրդականներին ու օգնականներին»:
Վերջինս նաև նկատեց՝ խորհրդականներն ու օգնականները ամեն մեկը իր ոլորտում իրականացնում է իր աշխատանքը և այդ մարդիկ թաքստոցում չեն:
«Այստեղ նստած են, Պարոն Արեյանը, պարոն Շահբազյանը է, պարոն Լազրյանը, գործակարգավարական նսիտերին այդ մարդիկ մասնակցում են, եթե չեմ սխալվում առանձին սենյակ չունեն, բայց եթե սխալվում եմ, ապա վերաբաշխում իրականացնելու ենք և պետք է մեր սուղ ռեսուրսներն այնպես բաշխենք որպեսզի կարողանանք բոլորին տեղավորել»: