Ռուսաստանն ակնկալում է, որ ՀՀ վարչապետ Նիկոլ Փաշինյանը Սանկտ Պետերբուրգում կմասնակցի Եվրասիական տնտեսական բարձրագույն խորհրդի նիստին և Անկախ պետությունների համագործակցության անդամ երկրների ղեկավարների ոչ պաշտոնական հանդիպմանը:
Այս մասին այսօր հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:
Ավելի վաղ ՌԴ նախագահ Վլադիմիր Պուտինն էր հայտարարել, որ ակնկալում է հանդիպել ԱՊՀ երկրների ղեկավարների հետ դեկտեմբերի վերջին Սանկտ Պետերբուրգում։
«Մենք ելնում ենք նրանից, որ ՀՀ վարչապետ Նիկոլ Փաշինյանը կօգտվի Ռուսաստանի Դաշնության նախագահի հրավերից և դեկտեմբերի 25-26-ը կժամանի Սանկտ Պետերբուրգ, որտեղ կմասնակցի ՀՀ կառավարության ղեկավարը կմասնակցի Եվրասիական բարձրագույն տնտեսական խորհրդի և ԱՊՀ անդամ պետությունների ղեկավարների ավանդական նախաամանորյա հանդիպմանը»,- ճեպազրույցում ասել է Մարիա Զախարովան։
Նա ընդգծել է, որ Հայաստանի վարչապետի նման այցը «հնարավորություն կտա բարձրաձայնել բոլոր հետաքրքրող հարցերը»։
