Որոշ ուժեր փորձում են այլ երկրներին ներքաշել Մերձավոր Արևելքի հակամարտության մեջ:
Այս մասին ասել է ՌԴ նախագահ Վլադիմիր Պուտինը կրոնական միավորումների ներկայացուցիչների հետ հանդիպմանը։
«Մենք տեսնում ենք որոշ ուժերի կողմից հետագա էսկալացիա հրահրելու, որքան հնարավոր է շատ այլ երկրների և ժողովուրդների հակամարտության մեջ ներքաշելու փորձեր՝ դրանք օգտագործելով սեփական եսասիրական շահերի համար, քաոսի, փոխադարձ ատելության իրական ալիք բարձրացնելու համար ոչ միայն Մերձավոր Արևելքում, այլև նրա սահմաններից դուրս»,- ասել է նա։
Պետության ղեկավարը նշել է, որ պաղեստինա-իսրայելական հակամարտության սրումը վերաբերում է նաեւ Ռուսաստանին։
Նրա խոսքով, երկիրը տագնապով ու ցավով է հետևում Սուրբ Երկրում տեղի ունեցող իրադարձություններին, որոնք հատուկ նշանակություն ունեն քրիստոնյաների, մահմեդականների և հրեաների համար։
Նախագահն ընդգծել է, որ ներկայումս այս տարածաշրջանում հումանիտար աղետ է տեղի ունենում։ Նա նաև հայտարարել է կրոնական զգացմունքների վրա խաղալու փորձերի մասին՝ Մերձավոր Արևելքում տեղի ունեցող իրադարձությունների համատեքստում։ Պուտինի խոսքով՝ նման գործողությունների նպատակը աշխարհում անկայունության ավելացումն է։
Նախագահը նաև կոչ է արել դադարեցնել արյունահեղությունն ու բռնությունը տարածաշրջանում։
