Ռուսական կողմը հաստատել է Ռուսաստանի արտգործնախարար Սերգեյ Լավրովի մասնակցությունը հոկտեմբերի 23-ին Թեհրանում ծրագրված բանակցություններին:
Այս մասին ՏԱՍՍ-ին հայտնել է ՌԴ ԱԳՆ պաշտոնական ներկայացուցիչ Մարիա Զախարովան։
«Մենք հաստատում ենք Լավրովի բանակցությունները, որոնք նախատեսված են երկուշաբթի Թեհրանում»,- ասել է նա։
Ավելի վաղ հայտնել էինք, որ Ադրբեջանի, Հայաստանի, Իրանի, Ռուսաստանի և Թուրքիայի արտգործնախարարները հոկտեմբերի 23-ին Թեհրանում կարող են հանդիպել «3+3» ձևաչափի շրջանակներում։
Ուրբաթ օրը՝ հոկտեմբերի 20-ին, Հայաստանի փոխարտգործնախարար Վահան Կոստանյանը հայտնել է, որ հանրապետությունը հրավեր է ստացել իրանական կողմից՝ մասնակցելու Թեհրանում «3+3» ձևաչափով ԱԳ նախարարների տարածաշրջանային հանդիպմանը։
