Ֆրանսիայի պաշտպանության նախարար Սեբաստիան Լըկորնյուն հայտարարել է, որ Փարիզն ու Երևանը կիրակի օրը կձևակերպեն ֆրանսիական սպառազինությունների գնման պայմանավորվածությունները, մասնավորապես՝ հակաօդային պաշտպանության ոլորտում:
՛՛Անհրաժեշտ է թույլ տալ, որ Հայաստանը պաշտպանի իր քաղաքացիական բնակչությանը և ապահովի իր սահմանների պաշտպանությունը։ Վաղը Մենք պաշտոնապես կձեւակերպենք Հայաստանի կողմից ֆրանսիական արտադրողներից որոշակի քանակությամբ սպառազինությունների ձեռքբերումը, մասնավորապես՝ պայմանագրի ստորագրմամբ, որը թույլ կտա երկրին ապահովել իր երկնքի պաշտպանությունը՛՛,-հայտարարել Է նախարարը Parisien թերթին տված հարցազրույցում:
Ավելի վաղ Հայաստանի նախագահ Վահագն Խաչատուրյանը հայտնել էր, որ Երևանը նոր ռազմական գործընկերոջ կարիք ունի և Ֆրանսիայի հետ քննարկում է ռազմական օգնություն ցուցաբերելու հարցը:
