Լեռնային Ղարաբաղից բռնի տեղահանված մեր հայրենակիցների համար Հայաստանում ստեղծվում է ցանկացած պայման, որպեսզի ստիպված չլինեն լքել Հայաստանը։ Այս մասին իր ֆեյսբուքյան էջում գրել է ՀՀ վարչապետի աշխատակազմի ղեկավարի տեղակալ Տարոն Չախոյանը։
«Անվճար բուժօգնություն, աջակցություն աշխատանքի տեղավորման հարցում, կեցության խնդիրների լուծում, սոցիալական միանվագ և ամսական աջակցություն պետության կողմից։
Կառավարության կողմից ամեն բան արվում է, որպեսզի Լեռնային Ղարաբաղից բռնի տեղահանված մեր հայրենակիցները ստիպված չլինեն լքել Հայաստանը՝ դա կառավարության ռազմավարությունն է»։
