ԱԱԾ–ի պահանջով Սաշիկը վերադարձել է Հայաստան

Սերժ Սարգսյանի եղբայրը՝ առանձնապես խոշոր չափերի խարդախության համար մեղադրվող Ալեքսանդր Սարգսյանը վերադարձել է Հայաստան։ ԱԱԾ մամլո խոսնակ Սամսոն Գալստյանը տեղեկացրեց, որ Սարգսյանը Հայաստան է վերադարձել նախաքննական մարմնի պահանջով՝ քննչական գործողություններին մասնակցելու համար։

Հիշեցնենք, որ Ալեքսանդր Սարգսյանի նկատմամբ որպես խափանման միջոց էր ընտրվել՝ չհեռանալու մասին ստորագրությունը։ 2019թ. մարտին, սակայն, հայտնի դարձավ, որ գործը քննող քննիչը թույլ է տվել Սարգսյանին լքել ՀՀ տարածքը։

Նշենք, որ ներկայումս տարբեր քրեական գործեր են քննվում նաեւ Ալեքսանդր Սարգսյանի երկու որդիների, ինչպես նաև Սերժ Սարգսյանի մյուս եղբոր՝ Լևոն Սարգսյանի եւ նրա զավակների մասով։

 

Loading

Մի մոռացեք կիսվել Ձեր ընկերների հետ