Համացանցում է հայտնվել «օրենքով գող» Պզոյի և դստեր պարը հարսանիքի ժամանակ: Հիշեցնենք, որ ապրիլի 26-ին տեղի է ունեցել Արմեն Ղազարյանի՝ Պզոյի դստեր շքեղ հարսանիքը։
Հարսի շորի դիզայները հայտնի Զահար Մուրադն է։ Շորը արժեցել է 17.000 դոլար։ Կայքի տեղեկություններով հարսանիքի խմիչքը՝ ալկոհոլային և ոչ ալկոհոլային, նախապես բեռնատարներով բերվել է ԱՄՆ-ից, իսկ քաղցրավենիքը՝ Դուբայից։
Ավելի վաղ «Ժամանակը» գրել էր, որ Պզոն աղջկա հարսանիքին հրավիրել է գողական և մերձգողական համայնքի հայտնի դեմքերին՝ միայն ԱՄՆ-ից 300 հրավիրյալ է մասնակցելու:
Sեսախցիկը ֆիքսել է մի շարք հետաքրքիր մարդկանց՝ տարբեր քրեական հեղինակությունների, ՀՀ ԱԺ մականունավոր նախկին պատգամավորների, օրինակ՝ Մհեր Սեդրակյանին (Թոխմախի Մհեր), Առաքել Մովսիսյանին (Շմայս), Սամվել Ալեքսանյանին (Լֆիկ Սամո) , գործարար Սերգեյ Մանուկյանին (Շինանյութի Սերգեյ) եւ այլոց:
