Վարչապետի աշխատակազմից Տարոն Չախոյանը գրում է.
Լեռնային Ղարաբաղից Հայաստան տեղափոխված ցանկացած արցախցու պետք է ընդունել մեծ հոգատարությամբ։
Պատերազմով անցած ու բռնի տեղահանված արցախցիները չափազանց շատ են կորցրել, տուն, ընտանիք, հարազատ ու հայրենիք են կորցրել։ Հայաստան տեղափոխված արցախցիներին պետք է պատել սիրով, հարգանքով ու հարազատի հոգատարությամբ փորձել լուծել նրանց առջև ծառացած խնդիրները։
Միևնույն ժամանակ Ղարաբաղից Հայաստան տեղահանվածները պետք է ցուցաբերեն զգոնություն ու չտրվեն քաղաքական խարդավանքներին։ Նույն խարդավանքներին տրվելով արդեն հայրենազրկվել են, հիմա ժամանակն է զերծ մնալ հույզերի վրա խաղացող արկածախնդիրներից ու պինդ կանգնել Հայաստանի ինքնիշխանության, պետականության կողքին։
