«Այս մարդիկ ստիպված են եղել լքել իրենց տները և տարհանվել ռուս խաղաղապահների կողմից՝ առանց որևէ տարրական իրերի»։
X-ի (նախկին՝ «Թվիթեր») իր միկրոբլոգում հրապարակելով տեսանյութ, այս մասին գրել է ՀՀ հատուկ հանձնարարություններով դեսպան Էդմոն Մարուքյանը՝ նշելով, որ այսօր ՄԱԿ-ի Անվտանգության խորհրդում հրատապ նիստ է սպասվում։
«Կլինի՞ որևէ որոշում այս մարդկանց պաշտպանելու, իրենց տներում ապրելու հիմնարար իրավունքը վերականգնելու մասին, թե՞ ոչ, կախված է առաջին հերթին Ռուսաստանից:
Ռուս խաղաղապահները ադրբեջանական ռազմական ագրեսիայի ընթացքում Լեռնային Ղարաբաղի տարբեր շրջաններից տարհանել են 5 հազար մարդու՝ որոնց Ադրբեջանը նպատակ ուներ իրենց տարածքում էթնիկ զտումների ենթարկել»,-հավելել է Մարուքյանը՝ նշելով, որ տեսանյութը վերցված է ՌԴ ՊՆ էջից:
These people were forced to leave their homes and were evacuated by the Russian peacekeepers without any basic belongings. An urgent session is expected today at the UN Security Council. Will there be any resolution to protect these people, to restore their fundamental right to… pic.twitter.com/5O8cIg9IRe
— Edmon Marukyan (@edmarukyan) September 21, 2023
