«Իմ Քայլը» դաշինքն արտահերթ խորհրդարանական ընտրությունների քարոզարշավն սկսելու է Շիրակի մարզից՝ Գյումրիից, այսօր լրագրողների հետ ճեպազրույցում ասաց վարչապետի պաշտոնակատար Նիկոլ Փաշինյանը։
«Մեր փորձը ցույց է տալիս, որ ինչ սկսվում է Գյումրիից, լավ ավարտ է ունենում, այնպես որ՝ բոլորին խորհուրդ եմ տալիս ամեն ինչ Գյումրիից սկսել», — կատակեց Փաշինյանը։
Անդրադառնալով իր գլխավորած դաշինքի նախընտրական կարգախոսին ու դիտարկմանը՝ քննարկվում է արդյոք «Նիկոլ՝ վարչապետ» տարբերակը՝ վարչապետի պաշտոնակատարն արձագանքեց.
«Այս ընտրություններն ինչ-որ առումով, այսինքն՝ հենց ուղղակի առումով վարչապետի ընտրություններ են, ու կարող են լինել վարչապետի թեկնածուների մասին կարգախոսներ»։
