Հայաստանում շուտով կբացվեն Գերմանական միջազգային համագործակցության ընկերության (ԳՄՀԸ/GIZ) և Վերականգնման վարկերի բանկի (ՎՎԲ/KFW) գրասենյակներ։
ՀՀ ԱԺ–ն 76 կողմ, 16 դեմ քվեների հարաբերակցությամբ վավերացրեց համապատասխան համաձայնագիրը։
Էկոնոմիկայի փոխնախարար Ռաֆայել Գևորգյանն ասաց, որ կառույցները Հայաստանում գործել են տասնյակ տարիներ, սակայն դրանց գործունեության իրավական կարգավորումներ չեն եղել, ինչը խանգարել է համագործակցության զարգացմանը։
Նա ներկայացրեց հայ–գերմանական հարաբերությունների զարգացման ընթացքը` ընդգծելով, որ Գերմանիան կարևոր առևտրատնտեսական գործընկեր է Հայաստանի համար։
Փոխնախարարը հիշեցրեց, որ 1995թ–ից ի վեր այդ երկիրը Հայաստանում մոտ 2 տրիլիոն դրամ ներդրումներ է կատարել, իսկ այս պահին ՎՎԲ/KFW–ի Հայաստանում ունեցած ակտիվ պորտֆելը Հայաստանում կազմում է 650 մլն եվրո։
Գևորգյանի խոսքով ՝ գրասենյակի բացումը կնվազեցնի բյուրոկրատական քաշքշուկը։