Դերասան Վլադիմիր Զելենսկու՝ Ուկրաինայի նախագահ ընտրվելու փաստը համացանցում մեմերի առիթ է դարձել: Համացանցում տարածվել են երկրների ղեկավարների ու առավել հայտնի դերասանների լուսանկարներով կոլաժներ, որոնցում երկրի ղեկավարը, այսպես ասած, հորդորում է չոգեւորվել Զելենսկու հաջողությունից: Հիմնականում մեմերը ՀՀ վարչապետ Նիկոլ Փաշինյանի վերաբերյալ են:
Թեմայի շուրջ կատակում են նաեւ հեռուստատեսության ու կինոյի հայտնիները: Օրինակ, Comedy Club-ի հիմնադիր-անդամ Գարիկ Մարտիրոսյանն ինստագրամի իր էջում КВН-ի տարիներից տեսանյութ է հրապարակել, որտեղ գործընկերոջը խորհուրդ է տալիս նախագահների վերաբերյալ չկատակել, քանի որ իրենցից յուրաքանյչյուրը կարող է մի օր նախագահ դառնալ:
