Կախովկայի ՀԷԿ-ի ամբարտակի ոչնչացման հետևանքով Խերսոնի շրջանի հեղեղված տարածքների բնակիչներին սկսել են վարակիչ հիվանդությունների դեմ պատվաստել:
«Արմենպրես»-ի փոխանցմամբ՝ ինչպես հայտնում է «ՌԻԱ Նովոստի»-ն, այս մասին հայտնել է շրջանի նահանգապետի պաշտոնակատար Վլադիմիր Սալդոն։
«Ախտահանումը կատարվում է և ԱԻՆ-ի, և զինվորականների կողմից: Զինվորականները լիարժեք օգնություն են ցուցաբերում, առանց նրանց աշխատանքն ավելի երկար կտևեր, ահռելի է: Ամենավտանգավորն այն է, որ Դնեպրից ներքև կան արգելոցներ, կան հսկայական թվով կենդանիներ և թռչուններ: Թռչունները սնվում են սատկած ձկներով և կարող են վարակներ տարածել: Այժմ մեզ անհրաժեշտ են պատվաստումներ հեպատիտի և այլ հնարավոր վարակիչ հիվանդությունների դեմ, որոնք կարող են ի հայտ գալ», — ասել է Սալդոն:
Ջրի մակարդակը սկսել է իջնել: Ալյոշկիում մակարդակը մեկ օրում իջել է 2 մետրով, Գոլայա Պրիստանում՝ 1 մետրով:
