Չինաստանում փոքրիկ՝ 5-ամյա աղջնակը, քանի դեռ ծնողները և հսկիչները շեղվել էին, մտել է կայարանում իրերի սքանավորման սարքի մեջ։ Դեպքը նկարահանվել է և հրապարակվել South China Morning Post-ի կողմից։
Ինչպես հայտնում են, կայարանի մուտքի մոտ հերթ էր գոյացել։ 5-ամյա աղջիկը չի ցանկացել այլևս սպասել և մտել է սքանավորման սարքի մեջ։ Շրջակա մարդիկ չեն փորձել կանգնեցնել աղջկան։
5-ամյա աղջնակը խիստ զարմացրեց ոչ միայն ծնողներին, այլ նաև անվտանգության աշխատակիցներին, ովքեր իրենց էկրաններին, որոնք սովորաբար ուղևորների ուղեբեռի պարունակությունն են ցուցադրում, տեսան երեխային։
Նշվում է, որ 5-ամյա երեխան չի տուժել, իսկ ճառագայթման չափաբաժինը առողջության համար անվտանգ են համարել։
