Կանադայի ԱԳ նախարար Մելանի Ջոլին անդրադարձել է Մեծի տանն Կիլիկիո առաջնորդ Արամ Առաջինի Կանադա կատարած այցին:
Այս մասին նա գրառում է կատարել թվիթերյան իր միկրոբլոգում։
«Բարի գալուստ Կանադա, Վեհափառ Հայրապետ Արամ Առաջին: Հայկական սփյուռքի առանցքային առաջնորդ, մենք վճռական ենք Ձեզ հետ միասին աշխատել Հայաստանում և նրա շուրջ կայունություն ապահովելու, ինչպես նաև առաջիկայում Երևանում մեր առաջին դեսպանությունը բացելու ուղղությամբ»,- գրել է Ջոլին։
Ավելի վաղ հայտնել էինք՝ Արամ Ա-ն և Կանադայի վարչապետը հանդիպում են ունեցել: Նրանք քննարկել են Հայոց ցեղասպանությանն ու Արցախին վերաբերող հարցեր։
