Հունիսի 4-ի առավոտից Ուկրաինայի զինված ուժերը անհաջող փորձ են կատարել լայնածավալ հարձակողական գործողություն իրականացնել ճակատի հինգ հատվածներում՝ Յուժնոդոնեց ուղղությամբ:
Այս մասին հայտարարել է ՌԴ պաշտպանության նախարարության պաշտոնական ներկայացուցիչ, գեներալ-լեյտենանտ Իգոր Կոնաշենկովը։
Ընդհանուր առմամբ հարձակմանը ներգրավվել է վեց մեքենայացված և երկու տանկային գումարտակ։ Ըստ Կիևի, Ուկրաինայի զինված ուժերի նպատակն է եղել ճեղքել ռուսական պաշտպանությունը ռազմաճակատի ամենախոցելի հատվածում:
«Հակառակորդը չի հասել իր նպատակներին, չի հաջողվել: «Վոստոկ» խմբավորման հմուտ և գրագետ գործողությունների արդյունքում Ուկրաինայի զինված ուժերը կորցրել են ավելի քան 250 անձնակազմ, 16 տանկ, 3 հետևակի մարտական մեքենա, 21 զրահատեխնիկա»,- ընդգծել է Կոնաշենկովը։
Ռուսաստանի նախագահի մամուլի քարտուղար Դմիտրի Պեսկովն ընդգծել է, որ Մոսկվան ուշադիր հետևում է առաջիկա հակահարձակման վերաբերյալ ցանկացած հայտարարություն և դրանք հաշվի է առնում հատուկ գործողություն պլանավորելիս։
