Համացանցում ժամեր առաջ հայտնվեց ու լայն տարածում գտավ Սպիտակցի Հայկոյի մասնակցությամբ մի տեսանյութ, որտեղ օգտագործվող բառապաշարն այնքան գռեհիկ ու անպարկեշտ էր, որ թողարկելուց առաջ փակել էինք ձայնը:
Տեսանյութում, սակայն, կեղտոտ հայհոյանքներին զուգահեռ լսվում է, թե ինչպես է հարբած Սպիտակցի Հայկոյին մեքենան նստեցնել փորձող անձն ասում.
«Ուրեմն Գաբառի էդքան արածին դու սե՞նց ես պատասխանում…»:
Մերտեղեկություններով՝ «Գաբառը» ԱԺ նախկին պատգամավոր Սամվել Ալեքսանյանին պատկանող ռեստորաններից մեկի տնօրենն է, որտեղ երգում է Հայկոն:
Հիշեցնենք, որ ՀՀ քրեական օրենսգրքի 377-րդ հոդվածի 2-րդ մասով քննվող քրեական գործով ձեռք բերված բավարար ապացույցների համակցությամբ՝ Հայկարամ Ղևոնդյանին մեղադրանք է առաջադրվել՝ ՀՀ քրեական օրենսգրքի 242-րդ հոդվածի 2-րդ մասով և 244-րդ հոդվածով:
Այս մասին հայտնում են Քննչական կոմիտեից: Հ.Ղևոնդյանի նկատմամբ որպես խափանման միջոց է կիրառվել ստորագրություն` չհեռանալու մասին:
