Ինչպես ավելի վաղ հայտնեցինք,համացանցում տարածվող տեսանյութում դրսևորվող’ Երևան քաղաքի Սարյան փողոցում «Երևանի գինու օրեր» փառատոնի ժամանակ հունիսի 4-ի գիշերը առերևույթ ոստիկանի կողմից քաղաքացուն հարվածելու դեպքի առթիվ ՀՀ քննչական կոմիտեի Երևան քաղաքի քննչական վարչության Կենտրոն և Նորք Մարաշ վարչական շրջանների քննչական առաջին բաժնում նախաձեռնվել է քրեական վարույթ ՀՀ քրեական օրենսգրքի 441-րդ հոդվածի 2-րդ մասի 1-ին կետի հատկանիշներով (Պաշտոնատար անձի կողմից իշխանական կամ ծառայողական լիազորությունները կամ դրանցով պայմանավորված ազդեցությունը չարաշահելը կամ լիազորություններն անցնելը, որը կատարվել է բռնություն գործադրելով կամ դրա սպառնալիքով)։
Նախաքննության ընթացքում կգործադրվեն բոլոր անհրաժեշտ միջոցները դեպքի հանգամանքները պարզելու, միջադեպին մասնակից բոլոր անձանց գործողություններին իրավական գնահատական տալու նպատակով։
Մեր ձեռքի տակ են հայտնվել բացառիկ կադրեր, որտեղ ակնհայտ երևում է, որ քաղաքացիները ակնհայտ խուլիգանական պահվածք են դրսևորել, խախտել են հասարակական կարգը, հայհոյել ու հարվածել են ոստիկանին, ինչից հետո նոր միայն ոստիկանը հարվածել է քաղաքացուն։
Մանրամասները՝ տեսանյութում։
