Այսօր Մոլդովայի մայրաքաղաք Քիշնևին հարակից Բուլբոակա քաղաքի ամրոցում տեղի կունենա Եվրոպայի քաղաքական համայնքի հերթական հանդիպումը։ Հանդիպման մասնակիցների թվում են նաև Հայաստանի վարչապետ Նիկոլ Փաշինյանն ու Արդբեջանի նախագահ Իլհամ Ալիևը։
47 պետությունների նախագահներն ու վարչապետները հրավիրված են մասնակցելու Եվրոպական քաղաքական համայնքի երկրորդ հանդիպմանը։
Համաժողովի ժամանակացույցը
13։00 — բացման արարողություն
13։30 — համատեղ լուսանկար
13։45 — թեմատիկ կլոր-սեղան, քննարկումներ
14։45 — ճաշ
16:30 — Եվրախորհրդի նախագահ Շառլ Միշելը կհանդիպի Գերմանիայի կանցլեր Օլաֆ Շոլցի, Ֆրանսիայի նախագահ Էմանուել Մակրոնի, Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի հետ։
18։00 — մամուլի ասուլիս
Իր հերթին ՌԴ նախագահի խոսնակ Պեսկովը հայտարարել է, որ Ռուսաստանին ու Բելառուսին չեն հրավիրել այդ հանդիպմանը, բայց իրենք ուշադրությամբ կհետևեն Քիշնևի արդյունքներին․ «Կարծում ենք, որ այդ քաղաքական գործընթացը ամբողջական չի առանց Մոսկվայի մասնակցության»։
